मुंबई, दि. २८ (पीसीबी) – राष्ट्रवादी काँग्रेसचे अध्यक्ष शरद पवार यांनी राफेल खरेदी व्यवहार प्रकरणी पंतप्रधान नरेंद्र मोदी यांची पाठराखण केलेली नाही. त्यांच्या विधानाचा विपर्यास करण्यात आलेला आहे, असा खुलासा राष्ट्रवादीचे प्रवक्ते नवाब मलिक यांनी केला आहे. तर पवार असे बोललेच नव्हते. त्यांच्या वक्तव्याचा विपर्यास केला आहे, असे राष्ट्रवादीचे आमदार जितेंद्र आव्हाड यांनी ट्विटद्वारे स्पष्ट केले आहे.
