मुंबई, दि. ११ (पीसीबी) – ‘आता आम्ही विवाह केला असून, आनंदाने राहात आहोत’, असे म्हणत पीडित महिलेनेही संमती दर्शवल्यानंतर मुंबई उच्च न्यायालयाने आरोपीविरुद्धचा पूर्वीचा बलात्काराचा गुन्हा नुकताच रद्द केला. ‘आरोपी व पीडितेने विवाह केला असून, ते एकत्र राहत आहेत, हे लक्षात घेता आणि महिलेच्या कल्याणाचा विचार करता, आरोपीविरुद्ध खटला चालवण्याने कोणताही हेतू साध्य होणार नाही’, असे निरीक्षण नोंदवून न्या. रणजित मोरे व न्या. भारती डांगरे यांच्या खंडपीठाने एफआयआर रद्द करत असल्याचे आदेशात स्पष्ट केले.
