१७०० कोटी रुपये खर्चून बांधलेला बांधकामाधीन पूल कोसळला

0
246

पटना, दि.4(पीसीबी) -बिहारमधील भागलपूरमध्ये एक मोठी दुर्घटना घडली. येथे 1700 कोटी रुपये खर्चून बांधलेला ‘महासेतू’ हा बांधकामाधीन पूल कोसळला. मिळालेल्या माहितीनुसार, अगुवानी घाट ते सुलतानगंजपर्यंत निर्माणाधीन पुलाचा एक भाग रविवारी अचानक कोसळला. सध्या या अपघातात कोणतीही जीवितहानी झाल्याचे वृत्त नाही.

बिहारमधील भागलपूरमधील अपघाताचा एक भयानक व्हिडिओही समोर आला आहे, ज्यामध्ये पुलाचा एक भाग अचानक पाण्यात कसा बुडाला हे स्पष्टपणे दिसत आहे. दोन तुकड्यांमध्ये विभागलेला पूल तुटून पाण्याखाली जात असल्याचे दिसून येत आहे.