मुंबई, दि. १७ (पीसीबी) – मुंबई काँग्रेस अध्यक्ष संजय निरुपम यांनी आज (सोमवार) मुख्यमंत्री देवेंद्र फडणवीस यांची वर्षा निवासस्थानी भेट घेतली. भेटीनंतर निरुपम समर्थकांनी ‘निरुपम आगे बढो’च्या घोषणाही दिल्या. निरुपम यांना काँग्रेसच्या मुंबई अध्यक्षपदावरुन दूर करण्यासाठी काँग्रेसच्या काही नेत्यांनी मल्लिकार्जुन खर्गे यांची भेट घेतली होती. त्या पार्श्वभूमीवर काँग्रेसवर दबाव टाकण्यासाठी निरुपम यांनी मुख्यमंत्र्यांची भेट घेतल्याची चर्चा रंगली आहे.
