मुंबई, दि. १६ (पीसीबी) – मुंबईमध्ये मागील आठवडाभरापासून सामाजिक कार्यकर्त्या अंजली दमानिया यांच्या नेतृत्वाखाली खंबाटा एव्हिएशनच्या कामगारांनी पुकारलेल्या आंदोलनाला आज वेगळे वळण लागले आहे. खंबाटा एव्हिएशन प्रायव्हेट लिमीटेड या कंपनीच्या कामगारांनी दमानियांच्या नेतृत्वाखाली ९ ऑक्टोबरपासून (गुरुवार) सुरु असलेल्या आंदोलनाच्या ठिकाणी आज शिवसेना प्रमुख उद्धव ठाकरेंबरोबरच इतर नेत्यांचा फोटो असलेले रावणाच्या अवतारातील पुतळ्याचे बॅनर लावण्यात आले. या बॅनरची लाज वाटत असेल तर स्वत: उद्धव ठाकरे यांनी बॅनर हटवायला यावे, असे आव्हानच दमानिया यांनी या बॅनरचा फोटो ट्विट करत दिले आहे.
