निगडी, दि. २५ (पीसीबी) – भाजपचे नगरसेवक उत्तम केंदळे यांनी पिंपरी-चिंचवड महापालिकेच्या औषध फवारणी करणाऱ्या एका कर्मचाऱ्याच्या कानफटात मारल्याने खळबळ उडाली आहे. ही घटना आज (गुरुवार) सकाळी दहाच्या सुमारास यमुनानगरमध्ये घडली. केंदळे विरोधात गुन्हा दाखल करावा म्हणून सफाई कर्मचाऱ्यांनी यमुनानगर पोलीस चौकीत ठिय्या आंदोलन सुरु केले आहे. मात्र पोलीस गुन्हा दाखल करण्यास टाळाटाळ करत असल्याचा आरोप सफाई कर्मचाऱ्यांनी केला आहे.
