निगडी, दि. २८ (पीसीबी) – “पाच हजारांचा हप्ता दिला नाही तर तुला जीवे मारुन टाकू”, अशी दुकानदाराला धमकी देऊन दोन टोळक्यांनी दुकानाची तोडफोड केली. तसेच दुकाना शेजारील एका महिलेची भाजीची गाडी पलटी करुन तिच्या गळ्यातील सोन्याचे पान जबरदस्ती हिसका मारुन चोरुन नेले. ही घटना बुधवारी (दि.२७) रात्री साडेसातच्या सुमारास निगडी ओटास्किम येथील राजगृह हौसिंग सोसायटीतील मंगल प्रोव्हिजन नावाच्या दुकानाजवळ घडली.
