पिंपरी, दि. ४ (पीसीबी) – चिखली येथे उभारण्यात येणाऱ्या संतपीठाच्या उभारणीसाठी राबविलेल्या निविदा प्रक्रियेत रिंग आणि भ्रष्टाचार झाल्याचा आरोप करत राष्ट्रवादी काँग्रेसने पिंपरी-चिंचवड महापालिकेच्या सर्वसाधारण सभेत सोमवारी (दि.४) अभूतपूर्व गोंधळ घातला. महापौर राहुल जाधव यांनी गोंधळातच संतपीठ उभारणीचा विषय मंजूर केला. त्यामुळे राष्ट्रवादीने पुन्हा गोंधळ घातला. या गोंधळाच्या परिस्थितीमुळे सत्ताधारी भाजपला सभागृह एक तासासाठी तहकूब करावे लागले.
