नवी दिल्ली, दि. २७ (पीसीबी) – मशिदीत नमाज पठण करणे, हा इस्लामचा अविभाज्य भाग आहे की नाही, याबाबत १९९४ च्या सर्वोच्च न्यायालयाच्या निर्णयाचे पुनरावलोकन करण्यास सर्वोच्च न्यायालयाने नकार दिला आहे. अयोध्या वादग्रस्त जागेच्या सुनावणीदरम्यान हा मुद्दा पुढे आला होता. सरन्यायाधीश दीपक मिश्रा यांच्या अध्यक्षतेखालील तीन न्यायाधीशांच्या घटनापीठाने २:१ असा हा निर्णय दिला. अयोध्या वादग्रस्त जागेच्या प्रकरणाची पुढील सुनावणी २९ ऑक्टोबर पासून होणार आहे.
