पिंपरी, दि. १९ (पीसीबी) – केंद्र सरकारच्या प्रधानमंत्री आवास योनजेअंतर्गत पिंपरी-चिंचवड महापालिकेच्या वतीने मोशीतील बोऱ्हाडेवाडी, आकुर्डी आणि पिंपरीगावात राबविण्यात येणाऱ्या गृहप्रकल्पाला प्रधानमंत्री आवास योजना राज्यस्तरीय मूल्यमापन समितीने मंगळवारी (दि. १८) सुधारित मान्यता दिली आहे. या तीनही ठिकाणी राबविण्यात येणाऱ्या गृहप्रकल्पांना या समितीने या आधीच मंजुरी दिली होती. परंतु, गृहप्रकल्पांचा खर्च जास्त असल्याचा मुद्दा उपस्थित झाला होता. त्यामुळे महापालिकेने प्रकल्पांच्या रचनेत बदल केला. परिणामी या तीनही ठिकाणच्या गृहप्रकल्पांना राज्यस्तरीय मूल्यमापन समितीची सुधारित मान्यता घेणे गरजेचे बनले होते. त्यानुसार रचनेत बदल करून महापालिकेने राज्यस्तरीय मूल्यमापन समितीकडे सुधारित मान्यतेसाठी प्रस्ताव पाठविला होता. समितीच्या मंगळवारी झालेल्या बैठकीत महापालिकेच्या या तीनही ठिकाणच्या गृहप्रकल्पांना मान्यता देण्यात आली.
Home Notifications प्रधानमंत्री आवास योजना; मोशीतील बोऱ्हाडेवाडी, आकुर्डी आणि पिंपरीतील गृहप्रकल्पाला राज्य सरकारकडून सुधारित...