नागपूर, दि. ८ (पीसीबी) – पंतप्रधान नरेंद्र मोदी यांची ‘एक देश, एक निवडणूक’ ही संकल्पना प्रत्यक्षात उतरण्याची शक्यता धुसर झाली आहे. ही संकल्पना प्रत्यक्षात आणण्यासाठी मोदी प्रयत्नशील होते. मात्र, तांत्रिक अडचणीमुळे ही संकल्पना कागदावरच राहण्याची शक्यता आहे. ‘एक देश, एक निवडणूक’ घेण्यासाठी घटना दुरुस्ती करावी लागणार आहे. त्याचबरोबर ईव्हीएम मशीनच्या दुप्पट म्हणजे सुमारे ४५ लाख मतदान यंत्र निवडणुकीसाठी लागणार आहेत. त्यामुळे लोकसभा व विधानसभा एकत्र घेण्यात मोठी अडचण येणार आहे. त्यामुळे आगामी निवडणुकां व्हीव्हीपॅटच्या माध्यमातून मतदान यंत्राद्वारेच घेण्यात येतील, असे मुख्य निवडणूक आयुक्त ओमप्रकाश रावत यांनी स्पष्ट केले आहे. त्यामुळे एकत्र निवडणुकांच्या चर्चेवर तूर्तास पडदा पडला आहे.
