नांदेड, दि. २ (पीसीबी) – संपत्तीच्या वादाला कंटाळून प्रवीण वल्लमशेटवार कवानकर यांनी पत्नी, दोन मुली व एका मुलासह सहस्त्रकुंड धबधब्यात उडी मारून आत्महत्या केल्याची घटना घडलीये.प्रवीण यांचा मृतदेह सापडल्यानंतर हा प्रकार उघडकीस आला.
हदगाव तालुक्यातील कवाना येथील मूळ रहिवासी असलेले भगवानराव वल्लमशेटवार कवानकर यांचं शहरात घाऊक किराणा दुकान आहे. मागील काही दिवसांपासून त्यांच्या दोन मुलांमध्ये संपत्तीवरून वाद सुरू होता. संपत्तीच्या वादातूनच संपूर्ण कुटुंबाने आत्महत्या केली असल्याच्या वृत्तास पोलीस अधीक्षक विजय पवार यांनी दुजोरा दिला आहे.
