मुंबई,दि.१५(पीसीबी) – मी काही राहुल सावरकर नाही, राहुल गांधी आहे. त्यामुळे माफी मागणार नाही, असं वक्तव्य काँग्रेस नेते राहुल गांधी यांनी केलं होतं. याला शिवसेना नेते संजय राऊत यांनी ट्वीट करत प्रत्युत्तर दिलं. त्यानंतर पुन्हा एकदा ट्विट करुन त्यांनी शिवसेनेची भूमिका स्पष्ट केली आहे.
सावरकर माने तेज, सावरकर माने त्याग सावरकर माने तप , सावरकर माने तत्व … असं ट्विट संजय राऊत यांनी केलं आहे. माजी पंतप्रधान अटल बिहारी वाजपेयी यांनी विनायक दामोदर सावरकर यांच्याविषयी केलेली ही कविता आहे.
सावरकर माने तेज
सावरकर माने त्याग
सावरकर माने तप ,
सावरकर माने तत्व …
अटल बिहारी वाजपेयी— Sanjay Raut (@rautsanjay61) December 14, 2019
वीर सावरकर हे महाराष्ट्राचेच नव्हे तर देशाचे दैवत आहे. सावरकर नावात राष्ट्राभिमान आणि स्वाभिमान आहे. नेहरू ,गांधी यांच्या प्रमाणेच सावरकर यांनी स्वातंत्र्यासाठी जीवनाचा होम केला. अशा प्रत्येक दैवताचा सन्मान करायला हवा. इथे तडजोड नाहीत, असं ट्विट राऊतांनी काल रात्री केलं होतं.
