मुंबई, दि.०९ (पीसीबी) : बॉलिवूडची ड्रामा क्वीन म्हणून ओळखली जाणारी राखी सावंत आपल्या वादग्रस्त वक्तव्यांमुळे सतत चर्चेत असते. दरम्यान, दमनमध्ये सुरु असलेले ‘इंडिय आयडल १२’चे शूटिंग संपवून राखी मुंबईत परत आली आहे. आता राखीने करोनाची तुलना ही योगगुरु रामदेव बाबा यांच्याशी केली आहे. राखीचा हा व्हिडीओ सेलिब्रिटी फोटोग्राफर ‘विरल भयानी’ या इन्स्टाग्राम पेजवरून शेअर करण्यात आला आहे. राखीने पोल्का डॉटचा काळ्या रंगाचा टॉप परिधान केला आहे. “अरे देवा, हा करोना आहे ना…करोना म्हणजे एकदम बाबा रामदेव यांच्यासारखा आहे. करोना कधी येतो, कधी लपतो तर कधी बाहेर निघून जातो,” असे राखी म्हणाली. राखीचा हा व्हिडीओ सोशल मीडियावर प्रचंड व्हायरल झाला आहे.
योगगुरू रामदेव बाबा गेल्या काही दिवसांपासून सतत चर्चेत आहेत. अ‍ॅलोपथी औषधांविरुद्ध वक्तव्य केल्याचा आणि पतंजलीच्या कोरोनिल किटमुळे कोविड-१९ बरा होतो, असा दावा त्यांनी केला होता. यामुळे डॉक्टरांकडून नाराजी व्यक्त केली जातं आहे. दरम्यान, या आधी राखी एका रस्त्यावरच्या माणसाला फटकारल्यामुळे चर्चेत आली होती. “काका तुम्ही जा. मी मुलाखत देत आहे. तुम्ही काय बघतं आहात? मुलगी कधी बघितली नाही का? पुढे जाना,” असे राखी बोलते. त्यानंतर ते काका राखीकडे बघत तिथून दुचाकी घेऊन निघाले आणि त्यांचा अपघात होणार तेवढ्यात राखी म्हणाली, “माझ्याकडे नाही तिकडे बघा नाही तर अपघात होईल तुमचा.” राखीचा हा व्हिडीओ सोशल मीडियावर प्रचंड व्हायरल झाला होता.
