मुंबई, दि. १६ (पीसीबी) – आगामी लोकसभा व विधानसभा निवडणुकांच्या पार्श्वभूमीवर राज्य मंत्रिमंडळाचा विस्तार होण्याची शक्यता आहे. भाजप अध्यक्ष अमित शहा मुंबई दौऱ्यावर आले होते. यावेळी त्यांनी लालबागच्या गणपतींचे दर्शन घेतले. त्यानंतर त्यांनी मुख्यमंत्री देवेंद्र फडणवीस यांच्याशी मंत्रिमंडळ विस्तारबाबत चर्चा करून हिरवा कंदिल दिल्याचे सांगितले जात आहे. त्यामुळे येत्या पंधरावड्यात मंत्रिमंडळ विस्ताराचा मुहूर्त निघण्याची माहिती सूत्रांकडून समजते.
