महाराष्ट्र नवनिर्माण सेनेचे नेते आणि पक्षाचे पुणे जिल्हा संपर्कप्रमुख अमित ठाकरे दोन दिवसांच्या पुणे दौऱ्यावर आले आहेत. संपर्कप्रमुखपदाची धुरा स्वीकारल्यानंतर अमित ठाकरे यांचा हा पहिलाच पुणे दौरा आहे. त्याकडे राजकीय वर्तुळातून विशेष लक्ष दिले जात आहे. आगामी काळातील निवडणुका आणि स्थानिक स्वराज्य संस्थांच्या पार्श्वभूमीवर, पुणे जिल्ह्यातील मनसेची संघटनात्मक शक्ती वाढवणे हा या दौऱ्याचा मुख्य उद्देश आहे. दोन दिवसांच्या या दौऱ्यात अमित ठाकरे पुणे शहर आणि जिल्ह्यातील विविध पदाधिकारी, कार्यकर्ते आणि स्थानिक नेत्यांशी सविस्तर संवाद साधणार आहेत.
