नवी दिल्ली,दि.३० (पीसीबी) : बिहारचे मुख्य सचिव अरुण कुमार सिंह यांचे निधन झाले आहे. त्यांना कोरोनाची लागण झाली होती आणि त्यांच्यावर उपचार सुरू होते. मुख्यमंत्री नितीशकुमार यांनी त्यांच्या निधनाबद्दल शोक व्यक्त केला. यापूर्वी आरोग्य विभागाचे अतिरिक्त सचिव रविशंकर चौधरी यांचे देखील कोरोनामुळे निधन झाले.
अरुण कुमार सिंग हे १९८५ च्या बॅचचे आयएएस अधिकारी मुख्य सचिव बनण्यापूर्वी बिहारचे विकास अधिकारी होते. या वर्षाच्या सुरुवातीला त्यांची मुख्य सचिवपदी नियुक्ती झाली. १५ एप्रिल रोजी त्याचा कोरोना अहवाल सकारात्मक होता. त्यानंतर त्यांना पाटण्यातील खासगी रुग्णालयात दाखल करण्यात आले व तेथेच त्यांनी शुक्रवारी अखेरचा श्वास घेतला. मंत्रिमंडळाच्या बैठकीत मुख्यमंत्री नितीशकुमार आणि मंत्रिमंडळातील सदस्यांनी मुख्य सचिव अरुणकुमार सिंग यांच्या मृत्यूच्या बातमीवर दु:ख व्यक्त केले.
