चिंचवड, दि. ८ (पीसीबी) – पिंपळे सौदागर येथील स्मशान भूमीजवळ असलेल्या पत्राशेडमध्ये पैसे लावून मोठ्या प्रमाणात जुगार सुरु असल्याची खात्रीशीर माहिती युनीट चारच्या पोलिसांना एका खबऱ्या मार्फत मिळाली होती. यावर पोलिसांनी मंगळवारी (दि.७) रात्री अकराच्या सुमारास तेथे धाड टाकली. पोलिसांना तेथे तेराजण तीन पत्ती खेळताना आढळून आले. पोलिसांनी त्यांच्यावर कारवाई करुन तब्बल ४५ हजार २०० रुपये रोख आणि काही साहित्य जप्त केले आहे.
