पिंपरी, दि. ९ (पीसीबी) – पिंपरी-चिंचवड शहरासाठी स्थापन करण्यात आलेल्या स्वतंत्र पोलिस आयुक्तालयाचे मुख्यमंत्री देवेंद्र फडणवीस यांच्या हस्ते बुधवारी (दि. ९) उद्घाटन करण्यात आले. चिंचवडमधील प्रेमलोक पार्कमध्ये असलेल्या पिंपरी-चिंचवड महापालिकेच्या शाळा इमारतीत पोलिस आयुक्तालय कार्यान्वित करण्यात आले आहे. याठिकाणी मुख्यमंत्री फडणवीस यांच्या हस्ते कोनशिलेचे अनावरण करण्यात आले. तसेच मुख्यमंत्र्यांनी पोलिस आयुक्तालयाची आतून पाहणी केली.
