मुंबई, दि. २६ (पीसीबी) – शिवसेना पक्षप्रमुख उद्धव ठाकरे यांनी अयोध्या आणि वाराणसीत जाऊन राम दर्शन आणि गंगा पूजा करण्याची घोषणा नुकतीच केली आहे. या पार्श्वभूमीवर मुंबईत शिवसैनिकांनी ‘चलो अयोध्या, चलो वाराणसी’ असे फलक लावले आहेत. भाजपाकडून राम मंदिर पूर्ण करण्याचे आश्वासन हवेत विरले आहे. त्यामुळे हिंदू मतांना आकृष्ट करण्यासाठी शिवसेनेने ही भूमिका घेतल्याची चर्चा राजकीय वर्तुळात सुरू झाली आहे.
