मुंबई, दि. ३० (पीसीबी) – महाराष्ट्रातील धनगर समाजाला आदिवासींचे आरक्षण देण्याबाबत टाटा समाज विज्ञान संस्थेचा सर्वेक्षण अहवाल सरकारला मिळाला आहे. त्यावर कार्यवाही अहवाल (अॅक्शन टेकन रिपोर्ट) पुढील अधिवेशनात सभागृहात मांडण्याचे स्पष्ट आश्वासन मुख्यमंत्री देवेंद्र फडणवीस यांनी विधान परिषदेत दिले. तसेच आगामी लोकसभा निवडणुकीपूर्वी धनगर समाजाला अपेक्षित असलेल्या आरक्षणाबाबतची शिफारस केंद्र सरकारकडे केली जाईल, असे त्यांनी स्पष्ट केले.