मुंबई, दि. २८ (पीसीबी) – आगामी लोकसभा आणि विधानसभा निवडणुकीत राजकीय वास्तवाची जाण ठेवूनच राजकारण केले पाहिजे. दोन्ही काँग्रेस आघाडीकरून लढत असताना शिवसेना आणि भाजप वेगळे लढले, तर दोघांनाही फटका बसणार आहे. तसेच विरोधकांना लाभ होणार आहे. ही वस्तुस्थिती असताना जे हिंदुत्ववादी म्हणायलाही घाबरतात, त्यांना शिवसेना पक्षप्रमुख उद्धव ठाकरे कधीच पाठिंबा देणार नाहीत, असे सांगून शिवसेनेशी भाजपची युती होईलच, असा ठाम विश्वास मुख्यमंत्री देवेंद्र फडणवीस यांनी व्यक्त केला.
