मुंबई, दि. ८ (पीसीबी) – रस्त्यांवरील चायनीज खाद्यपदार्थांच्या गाड्यांवर ताव मारताना अनेक मुंबईकर दिसतात. स्वस्तात मिळणाऱ्या या चायनीजमध्ये रोगट, आधीच मृत झालेल्या कोंबड्यांचे मांस वापरले जाते याची पुरेशी कल्पनाही खवय्यांना नसते. अन्न आणि औषध प्रशासन विभागाने केलेल्या कारवाईत हेच धक्कादायक वास्तव समोर आले आहे. शिवडीत घातलेल्या छाप्यात कुजलेले २५ किलो चिकन जप्त केले. याप्रकरणी एकाला अटक करण्यात आली आहे.