पुणे, दि. ५ (पीसीबी) : महात्मा गांधी यांच्याविषयी बोलताना अर्वाच्च तसेच शिवराळ भाषा वापरणाऱ्या कालीचरण महाराजला पुणे पोलिसांच्या ताब्यात देण्यात आलं आहे. कालीचरण महाराजला पुणे पोलिसांनी रायपूरमधून ताब्यात घेतलं असून यापूर्वी त्याच्याविरोधात पुण्याच्या खडक पोलीस ठाण्यात गुन्हा दाखल करण्यात आलेला आहे. कालीचरण महाराज याला दुपारी पुण्यात आणलं जाणार आहे.
काही दिवसांपूर्वा कालीचरण महाराजने राष्ट्रपीता महात्मा गांधी यांच्याविषयी बोलताना अर्वाच्च भाषा वापरली होती. तसेच गांधीजींविषयी बोलताना शिवराळ भाषा वापरत गांधीजींचा मारेकरी नथुराम गोडसेचा उदोउदो केला होता. कालीचरण महाराजाच्या या वक्तव्याचा व्हिडीओ समोर आल्यानंतर त्याला उत्तराखंड पोलिसांनी अटक केलं होतं. आता उत्तराखंडमधील रायपूर पोलिसांकडून कालीचरण महाराजला पुणे पोलिसांच्या ताब्यात देण्यात आलं आहे.
पुणे पोलीस कालीचरण महाराजाला आज दुपारपर्यंत पुण्यात घेऊन येणार आहेत. त्यांच्यावर दोन समाजात तेढ निर्माण होईल असे भडकाऊ आणि चितावणीखोर भाषण केल्याप्रकरणात गुन्हा दाखल आहे. कालीचरण महाराजासोबतच समस्त हिंदू आघाडीचे मिलिंद एकबोटे यांच्यासह इतरांवर खडक पोलीस ठाण्यात गुन्हा दाखल आहे. दाखल गुन्ह्यानुसार पोलिसांनी ही कारवाई केली. कालीचरण महाराज यांना पुण्यत आणल्यानंतर त्यांची चौकशी केली जाणार आहे.
कालीचरण महाराजने मोहनदास करमचंद गांधी यांच्याविषयी बोलताना अक्षरश: शिव्यांची लाखोली वाहिली होती. त्याचा एक व्हिडीओ समोर आला होता. याच व्हिडीओत कालीचरण महाराजानं गांधीजींना अपशब्द म्हटल्यानंतर नथूराम गोडसेचे आभार मानलेत. त्याच्या कृतीचं अभिनंदन केलंय. छत्तीसगडची राजधानी रायपूरमध्ये धर्मसंसद पार पडली होती. याच धर्मसंसदेत कालीचरण महाराजानं हे तारे तोडले होते.
