देश ,दि. २६ (पीसीबी) – सर्वोच्च न्यायालयाने दिल्लीचे माजी आरोग्यमंत्री आणि आप नेते सत्येंद्र जैन यांना अंतरिम दिलासा दिला आहे. न्यायालयाने शुक्रवारी (२६ मे) वैद्यकीय आधारावर सत्येंद्र जैन यांना ६ आठवड्यांसाठी अंतरिम जामीन मंजूर केला. ते मे २०२२ पासून मनी लाँडरिंग प्रकरणात दिल्लीतील तिहार तुरुंगात आहेत. न्यायमूर्ती जे. के. माहेश्वरी आणि न्यायमूर्ती पी. एस. नरसिम्हा यांच्या खंडपीठाने हा निर्णय दिला.
