चिंचवड, दि. 07 (पीसीबी) : चाकणमध्ये बुधवारी (दि. 6) 36 लाख रुपयांची बेहिशेबी रोकड जप्त केल्यानंतर पिंपरी चिंचवड पोलिसांनी गुरुवारी (दि. 7) चिंचवडमध्ये अतिरिक्त 35 लाख रुपयांची रोकड जप्त केली. चिंचवड पोलिसांनी चाफेकर चौकात ही कारवाई केली.
सहाय्यक पोलिस आयुक्त (गुन्हे 1) डॉ विशाल हिरे यांनी दिलेल्या माहितीनुसार, चिंचवड पोलीस स्टेशनच्या डीबीचे पाच अधिकारी परिसरात गस्त घालत असताना त्यांनी चाफेकर चौकात सकाळी 11 च्या सुमारास महिंद्रा बोलेरोला थांबवले. तपासाअंती अधिकाऱ्यांना वाहनात 35,11,220 रुपये बेहिशेबी रोकड आढळून आली. बाळू तापकीर, नितीन गायकवाड, नेहा लोहार आणि पूनम राठोड या चारही प्रवाशांना रोख रकमेबाबत समाधानकारक स्पष्टीकरण देता आले नाही.
वरिष्ठ पोलीस अधिकारी, निवडणूक रिटर्निंग अधिकारी आणि आयकर विभागाला माहिती देण्यात आली असून रोख रकमेच्या मालकीचा तपास सुरू असल्याचे एसीपी डॉ हिरे यांनी सांगितले.
