मुंबई, दि. १० (पीसीबी) – आम्ही सत्तेत येणार नाही, याची खात्री होती. त्यामुळे आश्वासन देत सुटलो, असे विधान केल्यानंतर केंद्रीय मंत्री नितीन गडकरी यांनी आपल्या विधानावर खुलासा केला केला आहे. आपण १५ लाखांचा उल्लेख केलाच नव्हता, असे त्यांनी म्हटले आहे. दिल्लीमधील एका इंग्रजी वृत्तपत्राने चुकीचे भाषांतर करत चुकीची बातमी छापल्याचे गडकरींनी यावेळी सांगितले.
गडकरी म्हणाले की, ‘दिल्लीतील एका इंग्रजी वृत्तपत्राने पूर्ण निराधार वृत्त छापले आहे. त्यावेळी मी ना मोदींचं, ना भाजपाचं नाव घेतलं, ना मी १५ लाखांचा उल्लेख केला’.
