मुंबई, दि. ३१ (पीसीबी) – लोकसभा निवडणुकीत १८ जागा जिंकून एनडीएमध्ये दुसऱ्या क्रमांकाचा मोठा पक्ष बनलेल्या शिवसेनेची नव्या मंत्रिमंडळातील खातेवाटपात अवजड उद्योग खाते देऊन बोळवण केल्याची चर्चा राजकीय वर्तुळात रंगली आहे. या वेळी शिवसेनेला महत्वाचे खाते मिळेल, अशी अपेक्षा होती. मात्र शिवसेनेला अवजड उद्योगासारखे खाते दिल्याने शिवसेनाही नाराज झाल्याचे बोलले जात आहे. यामुळे शिवसेनेत पुन्हा नाराजीनाट्य रंगणार का अशीही चर्चा सुरू झाली आहे.
