पिंपरी, दि. २८ (पीसीबी) – मावळ लोकसभा मतदारसंघासाठी सोमवारी (दि. २९) मतदान होत आहे. त्यासाठी सर्व प्रशासकीय तयारी पूर्ण झाली आहे. मतदानासाठी संपूर्ण मतदारसंघात एकूण २ हजार ५०४ मतदान केंद्रे सज्ज आहेत. या मतदान केंद्रांवर एकूण १४ हजार ४८८ कर्मचाऱ्यांची नेमणूक करण्यात आली आहे. संवेदनशील आणि उपद्रव होऊ शकेल, अशा मतदान केंद्रांवर व्हिडिओ शूटिंगसह मोठा पोलिस बंदोबस्त तैनात करण्यात आला आहे. शिरूर लोकसभा मतदारसंघातही अशाच प्रकारची तयारी पूर्ण करण्यात आली आहे.
