पिंपरी, दि. १४ (पीसीबी) – लोकसभा निवडणूक अवघ्या दीड महिन्यांवर येऊन ठेपल्याने पिंपरी-चिंचवडमध्ये राष्ट्रवादी आणि शिवसेनेने राजकीय वातावरण तापवायला सुरूवात केली आहे. मावळ मतदारसंघाचे शिवसेना खासदार श्रीरंग बारणे यांनी राष्ट्रवादीच्या उमेदवारीवरून पवार घराण्याबद्दल तोंडसुख घेत राष्ट्रवादीला डिवचले आहे. गेल्यावेळी राष्ट्रवादीच्या स्थानिक नेत्यांनी केलेल्या छुप्या मदतीमुळेच बारणे यांना खासदारकी मिळवता आली, हे राजकीय वास्तव आहे. आता त्याच राष्ट्रवादीला बारणे यांनी अंगावर घेतले आहे. त्यावरून राष्ट्रवादी आणि शिवसेनेत आरोप-प्रत्यारोप सुरू झाले आहेत. दुसरीकडे मावळ आणि शिरूरमध्ये स्वतःला ताकदवान म्हणणाऱ्या राष्ट्रवादी काँग्रेसला अजून उमेदवार सापडत नाहीत, हे वास्तव आहे. या दोन्ही मतदारसंघात कोणाला लढवायचे, हेच अजून निश्चित होत नाही. त्यामुळे या दोन्ही मतदारसंघात राष्ट्रवादीचे घड्याळ स्लो असल्याचे चित्र निर्माण झाले आहे.
Home Notifications पिंपरी-चिंचवडमध्ये शिवसेनेच्या श्रीरंग बारणेंनी राष्ट्रवादीला डिवचले; राष्ट्रवादीचे घड्याळ स्लो… लोकसभेच्या उमेदवारांचे गुऱ्हाळ...