मुंबई, दि. १ (पीसीबी) : अभिनेता सुशांतसिंह राजपूत याच्या आत्महत्येचा तपास सीबीआय, ईडीमार्फत सुरु आहे. या तपासात धक्कादायक माहिती पुढे येत आहे. सुशांतच्या घरी नेहमीच पार्ट्या व्हायच्या. या पार्ट्यांमध्ये ड्रग्जचे सेवन केले जायचे. या पार्टीमध्ये रिया चक्रवर्ती देखील सहभागी असाचयी, असा गौप्यस्फोट सुशांतची माजी मॅनेजर श्रुती मोदी हिचे वकील अशोक सरोगी यांनी केला आहे.
मुंबई पोलिसांनी आधीच तपास केला असता तर सुशांतच्या घरात ड्रग्जचे पुरावे सापडले असते, असेही ते म्हणाले. श्रुतीची नेमणकू सुशांतनेच केली होती. रियाशी तिचा काहीच संबंध नाही. अपघात झाल्याने श्रुतीला हा जॉब सोडावा लागला, अशी माहितीही सरोगी यांनी दिली.
अशोक सरोगी म्हणाले, ‘तो एक परिपक्व माणूस होता आणि कोणीही त्याला काहीही करायला भाग पाडत नव्हते. रियाने त्याच्या आयुष्यात प्रवेश करण्यापूर्वीच तो ड्रग्ज घेत होता. त्याच्या सवयीबद्दल त्याच्या कुटुंबालाही माहिती होती. सुशांतचे चालक सोहेल आणि कुक अशोक होते. जे उशीरापर्यंत दिवंगत स्टारसाठी ड्रग्ज घेत असत, असा दावाही त्यांनी केला.
अशोक सरोगी यांच्या मते सुशांतचे वडील केके सिंह यांच्याशी चांगले संबंध नव्हते. सुशांतने आपल्या वडिलांशी कशाबाबतही क्वचितच चर्चा केली. मात्र, दरमहा तो वडिलांकडे २५ हजार रुपयांपर्यंत पाठवत असे. तसेच “एकदा श्रुतीने सुशांतच्या वडिलांना निरोप देण्याचा प्रयत्न केला, सुशांत संतापला होता”
अशोक सरोगी यांच्या मते सुशांतला अमली पदार्थांची सवय झाली. त्यामुळे त्याच्या कारकिर्दीवरही परिणाम होऊ लागला. त्यांनी दावा केला की, जानेवारी २०२० मध्ये एका कंपनीची इच्छा होती की त्यांनी त्याचे ब्रँड अ‍ॅम्बेसेडर व्हावे. परंतु, त्यांची परिस्थिती जाणून घेतल्यानंतर कंपनीने ही ऑफर रद्द केली. ते म्हणाले की सुशांत फिल्म इंडस्ट्री सोडण्याचा विचार करीत होता. आणि दरम्यानच्या काळात त्यांच्या कुटुंबीयांना तो बिहार यावे, अशी त्यांची इच्छा होती.
