गांधीनगर, दि. ३० (पीसीबी) – मराठा समाजाला आरक्षण देण्याचा निर्णय महाराष्ट्र सरकारने घेतल्यानंतर त्याचे पडसाद गुजरातमध्येही उमटू लागले आहेत. पाटीदारानंतर तेथील ब्राम्हण आणि राजपूत समाजानेही आरक्षणाची मागणी केली आहे. ब्राम्हण समाजाला ओबीसी कोट्यातून आरक्षण देण्यात यावे, अशी मागणी ओबीसी आयोगाकडे करण्यात आली आहे. त्यामुळे आता गुजरातमध्येही पुन्हा आरक्षणासाठी आंदोलने होण्याची शक्यता व्यक्त केली जात आहे.
