काळेवाडी, दि. २७ (पीसीबी)
बेकरीतील माल ऑफर मध्ये विकत असल्याच्या रागातून बेकरी चालकाला १०-१५ जणांनी मारहाण केली. ही घटना गुरुवारी (दि. २६) दुपारी सव्वा एक वाजता काळेवाडी येथे घडली.
अकील निजामुद्दीन अन्सारी (वय ३०, रा. पिंपरी) यांनी याप्रकरणी काळेवाडी पोलीस ठाण्यात फिर्याद दिली आहे. त्यानुसार असिफ हनीफ उस्मानी (वय ३५), इम्रान हनीफ उस्मानी (वय ३८), सलमान हनीफ उस्मानी (वय ३०, तिघे रा. काळेवाडी), ताजुद्दीन निजामुद्दीन अन्सारी (वय ४७, रा. भोसरी), इरफान शकूर अन्सारी (वय ४८, रा. थेरगाव) आणि इतर आठ ते दहा जणांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी यांची काळेवाडी येथील पाचपीर चौकार एस एम एस जर्मन बेकरी आहे. त्यांनी त्यांच्या बेकरी मधील पदार्थ ऑफर मध्ये विकले. याचा आरोपींना राग आला. त्यावरून आरोपींनी फिर्यादी अकील अन्सारी आणि भाऊ जियाउर अन्सारी यांना बेदम मारहाण केली. काळेवाडी पोलीस तपास करीत आहेत.
