जळगाव, दि. २ (पीसीबी) – भाजपचे ज्येष्ठ नेते व माजी महसूलमंत्री एकनाथ खडसे यांचे राज्यात भाजपचे सरकार येण्यामागे मोठे योगदान आहे. भाजपची सत्ता येण्यासाठी खडसे यांनी मोठे श्रम घेतले आहे. अन्याय कुणावरही कायम नसतो. त्यातून न्याय मिळतो. एकनाथ खडसेंवरील अन्याय संपेल आणि त्यांना न्याय मिळेल, असा विश्वास महसूलमंत्री चंद्रकांत पाटील यांनी व्यक्त केला.
मुक्ताईनगर तालुक्यातील कोठळीमध्ये आज (रविवार) एकनाथ खडसे यांच्या अभिष्टचिंतनाचा सोहळा आयोजित केला होता. यावेळी चंद्रकांत पाटील बोलत होते.
