पिंपरी, दि. 17 (पीसीबी): सोसायटीमध्ये कामासाठी आलेल्या मजुराने सोसायटीमधील अल्पवयीन मुलीसोबत गैरवर्तन करत तिचा विनयभंग केला. याबाबत विनयभंगासह बाललैंगिक अत्याचाराचा गुन्हा दाखल करण्यात आला आहे.
मोहन (पूर्ण नाव माहिती नाही) याच्या विरोधात एमआयडीसी भोसरी पोलीस ठाण्यात गुन्हा दाखल करण्यात आला आहे. याबाबत पीडित मुलीच्या पालकांनी फिर्याद दिली आहे.
पोलिसांनी दिलेल्या माहितीनुसार, हा प्रकार 6 जानेवारी दुपारी पाच ते 8 जानेवारी दुपारी साडेचार आणि 9 जानेवारी रोजी दुपारी साडेचार वाजता घडला आहे. आरोपी हा फिर्यादी यांच्या सोसायटीमध्ये कामासाठी येत होता. पीडित मुलगी अल्पवयीन असल्याचे माहिती असताना मोहन याने तिच्यासोबत अश्लील वर्तन करून तिचा विनयभंग केला. याबाबत भारतीय दंड विधान कलम 354 (अ), पॉक्सो कायदा कलम 7, 8, 11, 12 नुसार गुन्हा दाखल करण्यात आला आहे. एमआयडीसी भोसरी पोलीस तपास करीत आहेत.
