गुजरात, दि.१९ (पीसीबी) : कोरोना रूग्णांच्या उपचारासाठी सर्वात जास्त मागणी असलेल्या रेमडेसिविर औषधांना विपणन केल्याप्रकरणी गुजरातमधील वलसाड जिल्ह्यातून दमण-आधारित औषध कंपनीच्या वरिष्ठ कार्यकारी अधिकारी आणि त्याच्या साथीदारांना अटक करण्यात आली आहे, अशी माहिती पोलिसांनी रविवारी दिली. दमण येथील ब्रुक फार्माचे तांत्रिक संचालक मनीष सिंह आणि यांच्या दमण येथे फर्निचरचे दुकान असलेले वरुण कुंद्रा असे अटक केलेल्या दोघांची नावे असल्याची माहिती वलसाडचे जिल्हा पोलिस अधीक्षक राजदीपसिंह झाला यांनी दिली.
त्यांना १५ एप्रिल रोजी वलसाड जिल्ह्यातील वापी गावातून अटक करण्यात आली असून त्यांच्याकडून रेमडेसिविर १८ इंजेक्शन ताब्यात घेण्यात आल्या आहेत. विशेष म्हणजे, शनिवारी रात्री ब्रुक फार्माचे संचालक राजेश डोकानिया यांनी औषधांच्या निर्यातीवर बंदी असूनही किमान ६०,००० रेमडेसिविर एअर कार्गोमार्फत निर्यात केली जात असल्याची माहिती पोलिसांना मिळताच शनिवारी रात्री मुंबई पोलिसांनी चौकशी केली. “वरुण कुंद्रा परवान्याविना अत्यंत जास्त किंमतीत रेमडेसिविर इंजेक्शन विकत असल्याची माहिती मिळाल्यानंतर वलसाड पोलिसांनी सापळा रचत त्याला ताब्यात घेतलं.
“जेव्हा पोलिसांचा एक माणूस कुंद्राकडे रूग्णाचा नातेवाईक म्हणून पोहचला तेव्हा त्याने एक इंजेक्शन १२,००० रुपयांना आणि १२ इंजेक्शन १.४४ लाख रुपयांना विकण्यास मान्य केले. त्याने इंजेक्शन दाखवताच इतर पोलिस कर्मचाऱ्यांनीही त्याला पकडले. कुंद्राने असा दावा केला आहे की “त्याने हे औषध आपल्या मनीष सिंगकडून विकत घेतले,” असे म्हणाले. प्राथमिक चौकशीनुसार सिंह नुकताच काही फर्निचर खरेदी करण्यासाठी त्याच्या दुकानात आला असता सिंग कुंद्राच्या संपर्कात आला. “ब्रूक फार्माकडे रेमडेसिविर इंजेक्शन तयार करण्याचा आणि निर्यात करण्याचा परवाना आहे,”असं म्हणाला. पोलिस अधिकाऱ्याने सांगितले की, रेमडेसिविरला जास्त मागणी असल्याने कुंद्राने यातून पैसे कमावण्याची योजना आखली आणि सिंग यांच्याकडून १२ इंजेक्शन मिळवल्याचे त्यानी सांगितले आणि एमआरपीच्या तुलनेत जास्त किंमतीला विकण्याची त्यांनी योजना केली. त्यानंतर कुंद्राला वापी येथील रहिवासी असलेल्या सिंगला एका ग्राहकासाठी इंजेक्शनच्या आणखी सहा कुपी घेऊन घटनास्थळावर बोलण्यास सांगण्यात आले, आणि घटनास्थळी पोहोचताच सिंगला सहा इंजेक्शनसह पकडले गेले होते,” एसपींनी सांगितले.
