पुणे, दि. २७ (पीसीबी) – पुणे लोकसभा मतदारसंघ कोणाला द्यायचा याबाबत काँग्रेस आणि राष्ट्रवादीमध्ये अद्याप एकमत झालेले नसताना काँग्रेस हा मतदारसंघ आपल्याकडेच ठेवणार असल्याचे काँग्रेस प्रदेशाध्यक्ष अशोक चव्हाण यांच्या विधानावरून स्पष्ट होत आहे.
पुण्यातून निवडणूक लढायची असेल, तर ५ कोटी रुपये खर्च करण्याची तयारी ठेवा, असा सल्ला चव्हाण यांनी पुण्यातील काँग्रेसच्या इच्छुक उमेदवारांना दिला आहे. त्यामुळे या मतदारसंघातून काँग्रेसचा उमेदवार असणार, हे स्पष्ट होत आहे.
