हॅमिलटन, दि. ३१ (पीसीबी) – पाच एकदिवसीय सामन्यांच्या मालिकेत यजमान न्यूझीलंडने आपला पहिला विजय आज (गुरूवार) नोंदवला. हॅमिलटनन वन-डे सामन्यात न्यूझीलंडने भारतावर ८ गडी राखून मात केली. भारताने विजयासाठी दिलेले ९३ धावांचे माफक आव्हान न्यूझीलंडच्या फलंदाजांनी २ गड्यांच्या बदल्यात लीलया पूर्ण केले. भारताच्या भुवनेश्वर कुमारने २ बळी टिपले. या पराभवामुळे मालिकेत निर्विवाद वर्चस्व गाजवण्याचे भारताचे स्वप्न धुळीस मिळाले आहे.
