भोसरी,दि.02 (पीसीबी)
दारू पिण्यासाठी नकार दिल्याने तरुणावर तलवारीने वार केले. ही घटना बुधवारी (दि. १) पहाटे तीन वाजताच्या सुमारास गुळवे वस्ती भोसरी येथे घडली.
अनुज फेबियन ए के (वय 28, रा. दापोडी) असे जखमी तरुणाचे नाव आहे. त्यांनी भोसरी पोलीस ठाण्यात फिर्याद दिली आहे. त्यानुसार नवप्रीत अजित सिंग (वय 29, रा. इंद्रायणी नगर, भोसरी) याला पोलिसांनी अटक केली आहे.
पोलिसांनी दिलेल्या माहितीनुसार, आरोपी नवप्रीत याचे गुळवे वस्ती भोसरी येथे वर्कशॉप आहे. वर्कशॉप मध्ये नवप्रीत हा दारू पीत असताना त्याने अनुज यांना दारू पिण्याचा आग्रह केला. त्यासाठी अनुज यांनी नकार दिला असता नवप्रीत याने अनुज यांच्यावर तलवारीने वार केले. यामध्ये अनुज गंभीर जखमी झाले आहेत. भोसरी पोलीस तपास करीत आहेत.
