नवी दिल्ली, दि. १३ (पीसीबी) : गुजरात आणि महाराष्ट्रासह देशातील 22 हून अधिक राज्यांमध्ये पाऊस आणि पुरामुळे जनजीवन विस्कळीत झाले आहे. महाराष्ट्र आणि गुजरातमध्ये मुसळधार पावसाने कहर केला आहे. गेल्या चार दिवसांपासून गुजरातच्या अनेक भागात पुरासारखी परिस्थिती आहे. गेल्या 24 तासांत येथे 6 जणांचा मृत्यू झाला असून, आतापर्यंत 69 जणांना आपला जीव गमवावा लागला आहे.
त्याचवेळी महाराष्ट्रात 1 जूनपासून सुरू असलेल्या मुसळधार पावसामुळे 84 जणांचा मृत्यू झाला असून 60 हून अधिक लोक जखमी झाले आहेत.हवामान खात्याने आज गुजरात, मध्य प्रदेश, हिमाचल प्रदेश, तेलंगणा आणि कर्नाटकमध्ये मुसळधार पावसाचा इशारा दिला आहे.
महाराष्ट्रात जोरदार पाण्याच्या प्रवाहात कार वाहून गेल्याने अनेकांचा मृत्यू –
विदर्भातील साउंर तालुक्यातील नंदा गोमुख येथे पाण्याच्या जोरदार प्रवाहात कार वाहून गेल्याने तिघांचा मृत्यू झाला असून तीन जण बेपत्ता आहेत. सर्व प्रवासी मध्य प्रदेशातील रहिवासी आहेत. या घटनेबाबत महाराष्ट्राचे उपमुख्यमंत्री देवेंद्र फडणवीस म्हणाले की, बेपत्ता लोकांचा शोध घेण्यासाठी प्रशासनाकडून प्रयत्न सुरू असून एनडीआरएफकडूनही मदत घेतली जात आहे. यासंदर्भात मी नागपूरच्या डीसींच्या संपर्कात आहे. मृतांच्या कुटुंबीयांना चार लाख रुपये देण्यात येणार आहेत.
मुंबईत हाय टाइड अलर्टअलर्ट –
हवामान खात्याने महाराष्ट्रातील सात जिल्ह्यांमध्ये रेड अलर्ट तर सहा जिल्ह्यांमध्ये ऑरेंज अलर्ट जारी केला आहे. मुसळधार पावसानंतर मुंबईत हाय टायड अलर्ट, समुद्री उंच लाटांचा धोका जारी करण्यात आला आहे. आतापर्यंत येथे 800 हून अधिक घरांचे नुकसान झाले आहे. त्याचवेळी मुसळधार पावसामुळे आलेल्या पुरात 180 जनावरांचाही मृत्यू झाला आहे.
