पिंपरी, दि. २३ (पीसीबी) – पिंपरी-चिंचवड महापालिकेचे राष्ट्रवादी काँग्रेसचे माजी नगरसेवक उल्हास शेट्टी यांचे अनुसूचित जातीचे (एससी) जात प्रमाणपत्र अवैध ठरले आहे. पुण्याच्या जिल्हा जात प्रमाणपत्र पडताळणी समितीने शेट्टी यांचे जात प्रमाणपत्र व मूळ जात वैधता प्रमाणपत्र रद्द केले असून, हे दोन्ही प्रमाणपत्र जमा करण्याचे आदेशही या समितीने दिले आहेत. त्यामुळे राष्ट्रवादीला मोठा धक्का बसला असून, निवडणुकीसाठी जात चोरणारा राजकीय पक्ष म्हणून पक्षाची ओळख निर्माण झाली आहे.
