पालघर, दि. ७ (पीसीबी) – मित्रांनी, नग्न अवस्थेतील फोटो काढून ते व्हायरल करण्याची धमकी दिल्याने एका तरुणाने राहत्या घरात गळफास घेत आत्महत्या केली. ही घटना पालघर वाणगाव रेल्वे स्टेशन पाडा येथे घडली.
राहुल मिश्रा (वय २४, रा. वाणगाव) असे या आत्महत्या केलेल्या तरुणाचे नाव आहे.
पोलिसांनी दिलेल्या माहितीनुसार, राहुल हा बोईसर उद्योगिक क्षेत्रातील आरती ड्रग्स या कंपनीत मशीन ऑपरेटर म्हणून काम करत होता. बोईसर शिवाजीनगर येथे तो आणि त्याचे दोन मित्र फ्लॅट घेऊन भाड्याने राहत होते. नेहमीप्रमाणे राहुल रात्री आठच्या सुमारास कामावरून आपल्या शिवाजीनगर येथील घरी आल्यानंतर झोपला. त्यावेळी त्याच्यासोबत राहणाऱ्या सहकाऱ्यांनी राहुलला विवस्त्र करून त्या अवस्थेतील फोटो व चित्रिकरण केले. ही घटना राहुलला समजताच त्याने ते फोटो व चित्रीकरण डिलिट करण्यासाठी आपल्या सहकाऱ्यांना विनवणी केली.
मात्र, रूम सहकाऱ्यांनी ते फोटो व चित्रीकरण डिलीट करण्यास नकार दिला व त्याच्याकडून ४ हजार रुपयांची मागणी केली. “जर तू पैसे दिले नाहीस तर आम्ही हे फोटो फेसबुक व इतर समाज माध्यमांमध्ये वायरल करु अशी धमकीही राहुल याला दिली.नग्न अवस्थेतील फोटो व्हायरल करण्याची धमकी दिल्याने तरुणाची आत्महत्याराहुल हा गरीब परिवारातील मुलगा असल्याने ४ हजार रुपये जमा करणे त्याला शक्य झाले नाही. आपल्या सहकाऱ्यांना पैसे दिले नाहीत तर, आपली समाजामध्ये बदनामी होइल, या भीतीपोटी राहुल मिश्रा याने वाणगाव येथील स्वत:च्या राहत्या घरी गळफास घेऊन आत्महत्या केली.राहुलच्या मोबाईलमध्ये त्याच्या रूम सहकऱ्यांनी धमकी दिलेले वॉट्सप मेसज व कॉल रेकॉर्डिंग सापडले असून, पुरावा म्हणून राहुलच्या परिवाराने तो मोबाईल वाणगाव पोलीस ठाण्यात जमा केला आहे.
