न्यूयॉर्कच्या ला गार्डिया विमानतळ (LaGuardia Airport) येथे सोमवारी (२३ मार्च) एक धक्कादायक अपघात घडला. लँडिंगदरम्यान एका विमानाची जमिनीवरील वाहनाशी धडक झाली, ज्यामुळे विमानतळावरील कामकाजात मोठा अडथळा निर्माण झाला.
फ्लाइट ट्रॅकिंग वेबसाइटनुसार, एअर कॅनडा एक्प्रेसचे CRJ-900 हे विमान मॉन्ट्रियलहून न्यूयॉर्कला येत असताना रनवे ४ वर लँडिंगदरम्यान अग्निशमन दलाच्या ट्रकला धडकले.
या घटनेनंतर फेडरल एव्हिएशन ॲडमिनिस्ट्रेशनने (FAA) तातडीने विमानतळावरील सर्व उड्डाणांवर बंदी (ग्राउंड स्टॉप) लागू केली. यामुळे अनेक फ्लाइट्स उशिरा किंवा रद्द झाल्या.
अपघातात पाच अग्निशमन दलाच्या कर्मचाऱ्यांसह अनेक जण जखमी झाल्याची माहिती समोर आली आहे. काही जणांची प्रकृती गंभीर असून, मृत्यू झाल्याचीही भीती व्यक्त केली जात आहे.
