दिल्लीच्या सरकारी शाळांमध्ये लवकरच ‘राष्ट्रनीती’ नावाचा एक विशेष अभ्यासक्रम सुरू होणार आहे. शताब्दी वर्ष साजरे करणाऱ्या राष्ट्रीय स्वयंसेवक संघाची वाटचाल आणि स्वातंत्र्यलढ्यातील क्रांतीकारकांचे योगदान या अभ्यासक्रमात शिकवले जाईल. शालेय अभ्यासक्रमात संघाचा समावेश करणारे दिल्ली हे देशातील पहिले राज्य असल्याचा दावा केला जात आहे. यातून विद्यार्थ्यांना सामाजिक चेतना, राष्ट्रउभारणी आणि नागरिकांची कर्तव्ये समजावून सांगण्याचा उद्देश आहे. तसेच, स्वातंत्र्यलढ्यात संघाचे योगदान नव्हते हा गैरसमज दूर करण्याचाही प्रयत्न केला जाईल
शताब्दी वर्ष साजरे करणाऱ्या राष्ट्रीय स्वयंसेवक वाटचालीवर संघाच्या आणि स्वातंत्र्यलढ्यातील क्रांतीकारकांच्या योगदानावर दिल्लीच्या सरकारी शाळांमध्ये लवकरच, राष्ट्रनीती नावाचा विशेष पाठ्यक्रम सुरू करण्यात येणार आहे. शालेय पाठ्यक्रमात संघाचा समावेश करणारे दिल्लीचे सरकार हे देशातील पहिले असल्याचा दावा करण्यात येत आहे.
नागपूरमध्ये १९२५ मध्ये विजयादशमीला संघाची स्थापना करणारे आद्य सरसंघचालक डॉ. केशव बळीराम हेडगेवार तसेच अन्य सरसंघचालकांच्या काळात संघाची वाटचाल कशी राहिली, पूर, भूकंप ढगफुटी यांच्यासारख्या विविध नैसर्गिक आपत्तींमध्ये आणि युद्धकाळात संघ स्वयंसेवकांनी कुठे-कुठे आणि निरपेक्षपणे बचाव आणि मदतकार्य केले, अशा अनेक मुद्द्यांचा समावेश अभ्यासक्रमात करण्यात येणार आहे.
