दापोडी, दि. 26 (पीसीबी) : पीएमपी बसने दुचाकीला धडक दिली. या अपघातात दुचाकी वरील दोघेजण गंभीर जखमी झाले. ही घटना रविवारी (दि. 24) रात्री साडेदहा वाजताच्या सुमारास सीएमई जवळ फुगेवाडी येथे घडली.
लक्ष्मण सुदाम ससाने (वय 54), अनिल दत्तू कांबळे (वय 50) अशी जखमींची नावे आहेत. याप्रकरणी लक्ष्मण यांच्या पत्नीने दापोडी पोलीस ठाण्यात फिर्याद दिली आहे. त्यानुसार बस चालक गणेश जगन्नाथ क्षीरसागर (रा. मोई) यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी यांचे पती लक्ष्मण ससाने आणि त्यांचे मित्र अनिल कांबळे हे दुचाकीवरून जात होते. फुगेवाडी कडून खडकीकडे जात असताना सीएमई जवळ आल्यानंतर पीएमपी बसने त्यांच्या दुचाकीला धडक दिली. या अपघातात दोघेही गंभीर जखमी झाले आहेत. दापोडी पोलीस तपास करीत आहेत.
