दि . ११ ( पीसीबी ) –
तळेगाव दाभाडे म्हाडाची घरे प्रथम येणाऱ्यास प्रथम प्राधान्य” या तत्त्वावर उपलब्ध पुण्यात स्वतःचं घर घेण्याचं स्वप्न पाहणाऱ्यांसाठी मोठी आनंदवार्ता आहे. म्हाडाच्या पुणे विभागाकडून तळेगाव दाभाडे (ता. मावळ) परिसरात घरांच्या विक्रीसाठी जाहिरात प्रसिद्ध करण्यात आली आहे. विशेष म्हणजे, ही घरे “प्रथम येणाऱ्यास प्रथम प्राधान्य” या तत्त्वावर उपलब्ध असणार आहेत. म्हणजेच, ज्याचा अर्ज आधी येईल, त्यालाच फ्लॅटची चावी मिळणार आहे.
प्रथम येणाऱ्यास प्रथम प्राधान्य तत्त्वावर विक्री :
पुणे गृहनिर्माण व क्षेत्रविकास मंडळाने प्रधानमंत्री आवास योजना (अत्यल्प उत्पन्न गट) अंतर्गत 762 घरांपैकी 269 रिक्त सदनिकांच्या विक्रीसाठी जाहिरात जाहीर केली आहे. ही विक्री “जशी आहेत तशी” या तत्त्वावर होणार असून, प्रक्रिया 10 ऑक्टोबर 2025 पासून सुरू झाली आहे.
या योजनेतून घर मिळवण्यासाठी नागरिकांनी त्वरित अर्ज करणे आवश्यक आहे, कारण प्रथम अर्ज करणाऱ्यांनाच प्राधान्य दिलं जाणार आहे. कोणत्या प्रवर्गासाठी किती घरे? :
अनुसूचित जातींसाठी – 29 घरे
अनुसूचित जमातींसाठी – 29 घरे
भटक्या जमातींसाठी – 5 घरे
विमुक्त जातींसाठी – 6 घरे
सर्वसाधारण प्रवर्गासाठी – 200 घरे
ही घरे प्रधानमंत्री आवास योजना (PMAY) अंतर्गत तयार करण्यात आली असून, अत्यल्प उत्पन्न गटातील कुटुंबांसाठी मोठी संधी उपलब्ध झाली आहे.
घरांची जागा, क्षेत्रफळ आणि किंमत तपशील :
योजनेचे ठिकाण: स. क्र. 12 (भाग), तळेगाव दाभाडे, ता. मावळ, जिल्हा पुणे
रिक्त सदनिका: 269
घराचे एकूण क्षेत्रफळ: 48.96 चौ. मीटर
चटई क्षेत्रफळ: 30.67 चौ. मीटर
अर्ज शुल्क: ₹600 + ₹108 जीएसटी
अर्जासोबत भरावयाची रक्कम: ₹1,79,688
या योजनेतून अर्ज करणाऱ्यांनी संबंधित रक्कम वेळेत भरावी लागेल. अर्ज ऑनलाइन पद्धतीने सादर करता येतील, आणि सर्व प्रक्रियेची माहिती म्हाडाच्या अधिकृत संकेतस्थळावर उपलब्ध आहे.
स्वप्नातील घर मिळवण्याची सुवर्णसंधी
तळेगाव दाभाडे परिसर हा पुण्याच्या औद्योगिक आणि शैक्षणिक पट्ट्याजवळ असल्याने नागरिकांसाठी राहण्यासाठी अत्यंत आकर्षक ठिकाण ठरत आहे. त्यामुळे ही म्हाडा योजना घर खरेदी करू इच्छिणाऱ्या मध्यम आणि अल्प उत्पन्न गटातील कुटुंबांसाठी मोठी संधी ठरणार आहे.
