निगडी,दि.२४(पीसीबी) – निगडी प्राधिकरण श्री संघ विराजित श्रमण संघ जैन दिवाकरिया महासाध्वी श्री संयमलताजी म. सा., श्री. अमितप्रज्ञाजी म. सा., श्री कमलप्रज्ञाजी म. सा., श्री सौरभप्रज्ञाजी म. सा.आदी ठाणे 4 यांच्या संयुक्त विद्यमाने महावीर मेळाव्याचे आयोजन करण्यात आले होते. महासतीजींच्या शुभ पठणाने आणि भगवान महावीरांच्या नामजपाने मेळ्याची सुरुवात झाली. श्री अशोक जी, सौरभजी बाफना श्री.मोतीलालजी पालरेचा यांनी लाल फीत कापून मेळ्याचे उद्घाटन केले.
महावीर मेळाव्यात सुमारे 700 ते 800 लोकांनी सहभाग घेतला होता.मेळाव्यात उत्साही वातावरण होते. मेळाव्यात विविध प्रकारचे मनोरंजक खेळ ठेवण्यात आले होते, जेणेकरून मुलांना धर्माचे ज्ञान मिळावे, यासोबतच पार्श्वनाथ भगवान व इतर विषयांवर १५ मिनिटांचा लघुपटही दाखवण्यात आला.
त्याचबरोबर जैन पदार्थांच्या स्टॉल्सचाही सर्वांनी आस्वाद घेतला. कार्यक्रम संपेपर्यंत संपूर्ण पंडाल खचाखच भरले होते आणि शेवटी 3 लकी ड्रॉ काढण्यात आले. या संपूर्ण कार्यक्रमाचे आयोजन युवा अध्यक्ष पवन मनोहरलाल लोढा यांच्या नेतृत्वाखाली युवक, युवती व बहु मंडळींनी केले होते.
ही माहिती चातुर्मास समिती युवा महामंत्री आशिष झगडवात यांनी दिली.
