पिंपरी, दि.११ (पीसीबी) – पिंपरी चिंचवड महानगरपालिका शहर धोरण २०३० च्या अनुषंगाने शाश्वत विकासाच्या विविध अनुलंबांवर काम करण्यासाठी आपल्या प्रशासकीय संरचनेत “शाश्वत विकास कक्ष” सुरू करण्यात येणार आहे, त्यासाठी पर्यावरण संवर्धन हवा,पाणी,ध्वनी प्रदूषण हरितीकरण, जैवविविधता, घनकचरा, आरोग्य,वाहतूक,एनर्जी कार्बन एमिशन, क्लायमेट चेंज सस्टेनेबल डेव्हलपमेंट, इकोसिस्टीम, ग्रीन बिल्डींग नदी पुनरुज्जीवन जलस्त्रोत, पुनरुज्जीवन आदी घटकांचा विचार करण्यात येणार असल्याची माहिती आयुक्त तथा प्रशासक शेखर सिंह यांनी दिली.
पिंपरी चिंचवड महानगरपालिकेच्या वतीने महापालिका अधिकारी, शासकीय अधिकारी, विविध सामाजिक संस्थांचे पदाधिकारी यांची एकत्र बैठक महानगरपालिकेच्या मुख्य प्रशासकीय इमारतीमधील दिवंगत मधुकरराव पवळे सभागृह येथे आयोजित करण्यात आलेली होती. या बैठकीस उपस्थितांना मार्गदर्शन करताना आयुक्त सिंह बोलत होते.
यावेळी अतिरिक्त आयुक्त प्रदीप जांभळे पाटील, जितेंद्र वाघ,शहर अभियंता मकरंद निकम, सह शहर अभियंता श्रीकांत सवणे, ज्ञानदेव जुंधारे, संजय कुलकर्णी, बाबासाहेब गलबले, आरोग्य विभाग प्रमुख विनोद जळक, उप आयुक्त अजय चारठाणकर,रविकिरण घोडके,स्वच्छ भारत समन्वयक सोनम देशमुख, कार्यकारी अभियंता बापूसाहेब गायकवाड,जनता संपर्क अधिकारी प्रफुल्ल पुराणिक,सामाजिक संस्थांचे पदाधिकारी, मराठा चेंबर ऑफ कॉमर्स ॲन्ड इंडस्ट्रीजचे चेतनकुमार सांगोळे, महाराष्ट्र प्रदूषण नियंत्रण मंडळाचे क्षेत्रिय अधिकारी शंकर वाघमारे, पुणे मेट्रोचे मनोजकुमार डॅनियल, पुणे महानगर परिवहन महामंडळाचे प्रशांत कोळेकर, रोटरी क्लबचे डॉ. समीर डोलारे, मंजू फडके, पुणे इंटरनॅशनलच्या वैशाली पाटकर, व्हीकेई एन्व्हायरमेंटल सोलुशनच्या पूर्वा केसकर, बानूबेन नानावटी कॉलेज ऑफ ॲग्रीकल्चर संस्थेच्या सुजाता कर्वे बीवायसीएस संस्थेचे आशिक जैन,एनव्हायर्मेट कन्झर्वेशन असोसिएशनच्या विनिता दाते,जनवाणी संस्थेचे मंगेश शिरसागर,पीकेसी संस्थेच्या डॉ.अश्विनी केसकर, अनिता काणे, आयटीडीपी संस्थेचे प्रांजल कुलकर्णी, महाराष्ट्र राज्य विद्युत वितरण कंपनीचे राजदीप, आर एम आय इंडियाचे स्वप्निल फुलारी, जीवितनाडी संस्थेच्या शैलजा देशपांडे,सीईई संस्थेच्या संस्कृती मेनन, पुणे इंटरनेशनच्या वैशाली पाटकर आदी मान्यवर उपस्थित होते.
पिंपरी चिंचवडच्या लोकसंख्येमध्ये सातत्याने वाढ होत असल्याने विकासाची गरज आणि मागणी वाढत आहे. भारताने जी २० चे अध्यक्षपद स्वीकारल्यानंतर, आपल्या देशाच्या मुख्य क्षेत्रांपैकी एक म्हणजे शाश्वतता. नवीन राष्ट्रीय विकास परिषद लक्ष्यांनुसार २०३० पर्यंत, भारत २००५ च्या पातळीपेक्षा ४५ टक्क्यांनी त्यांच्या सकल देशांतर्गत उत्पादन राष्ट्रीय विकास परिषदेच्या उत्सर्जनाची तीव्रता कमी करण्यासाठी वचनबद्ध आहे. शहरे म्हणून, स्थानिक पातळीवर कार्य करण्याची आणि ही उद्दिष्टे साध्य करण्याची आपली जबाबदारी आहे. शहरांमध्ये शाश्वतता आणि हवामानाबाबत जागरूकता वाढलेली दिसून येते. कृती योजना तयार केल्या जात आहेत आणि या योजना प्रत्यक्षात आणण्यासाठी प्रयत्न केले जात आहेत. परंतु परिणाम प्रभावी होण्यासाठी शहरातील सर्व भागधारकांसोबत एकसंध दृष्टीकोन अवलंबणे आवश्यक आहे. शहराला समर्पित संशोधनामध्ये गुंतवणूक करणे आवश्यक आहे, ठळक समस्यांना आधारभूत करणे, उपायांची शिफारस करणे आणि शहरातील भागधारकांच्या सक्रिय स्तरांच्या समर्थनासह त्यांची अंमलबजावणी करणे आवश्यक आहे. पिंपरी चिंचवडचा समान आणि शाश्वत विकास करण्यासाठी अशी पावले उचलण्याचा मानस असल्याचे आयुक्त सिंह यांनी सांगितले.
सामाजिक संस्था पदाधिका-यांनी शाश्वतता कक्ष निर्माण करण्याच्या महानगरपालिकेच्या संकल्पनेचे स्वागत केले आणि कक्षासंबंधात आपल्या सूचना सादर केल्या.सामाजिक संस्था पदाधिका-यांनी सांगितले की असा सक्रिय उपक्रम शहरातील शाश्वत उपक्रमांवर काम करणाऱ्या संस्थांना प्रोत्साहन देणारा आहे. कक्षाच्या पुढाकारातून धोरण आणि नियोजन स्तरांदरम्यान त्यांच्याशी संवाद साधून नागरिकांचा सहभाग कसा सुधारता येईल याबाबत त्यांनी बैठकीत चर्चा झाली. निर्णय प्रतिसाद प्रणाली असण्याची कल्पना देखील सुचविण्यात आली, जी सेलने घेतलेल्या निर्णयांचे त्याच्या प्रभावासाठी मॅप करण्यात मदत करू शकते. त्यापैकी काहींनी नाविन्यपूर्ण सूचना दिल्या ज्या शहरामध्ये कार्बन अकाउंटिंग, कार्बन क्रेडिट्स, ओपन डेटा, कॅप्चरिंग कम्युनिटी इनिशिएटिव्ह आणि ग्रीन हाऊस गॅस एमिशन मूल्यांकनासाठी प्लॅटफॉर्म उपलब्ध होऊ शकतात, हवामान आणि पर्यावरणीय शिक्षणाला प्राधान्य दिले गेले जे शाळांमध्ये सुरू केले जाऊ शकते अशा प्रकरच्या महत्वपूर्ण सूचना प्राप्त झाल्या आयुक्त शेखर सिंह यांनी सर्व सूचनांची दखल घेतली असल्याचे सांगितले.
याबाबत एक विस्तृत कार्यशाळा येत्या पर्यावरण दिवशी आयोजित केली जाणार आहे. ज्यामध्ये शाश्वत विकास कक्षाचे सादरीकरण देखील करण्यात येणार आहे अशी माहिती सह शहर अभियंता संजय कुलकर्णी यांनी दिली. बैठकीचे प्रास्ताविक अतिरिक्त आयुक्त जितेंद्र वाघ यांनी तर सूत्रसंचालन आणि आभार जनता संपर्क अधिकारी प्रफुल्ल पुराणिक यांनी मानले.
