पुणे, दि. ६ (पीसीबी) : टीईटी घोटाळ्यातील मुख्य आरोपी तुकाराम सुपे यांच्या विरोधात पिंपरी चिंचवडच्या सांगवी पोलीस ठाण्यात लाचलुचपत प्रतिबंधक विभागाने गुन्हा दाखल केला आहे. तीन कोटी ५९ लाख ९९ हजार रुपये त्यांनी भ्रष्टाचारातून कमावले असल्याचा आरोप त्यांच्यावर आहे. हे पैसे १९८६ ते २५ डिसेंबर २०२१ दरम्यान कमावले असल्याचं तक्रारीत म्हटलं आहे. श्रीराम विष्णु शिंदे यांनी याबाबत सांगवी पोलीस ठाण्यात तक्रार दिली आहे, ते लाचलुचपत प्रतिबंधक विभागाचे पोलीस निरीक्षक आहेत.
पोलिसांनी दिलेल्या माहितीनुसार, टीईटी घोटाळ्यातील मुख्य आरोपी तुकाराम सुपे यांच्या विरोधात सांगवी पोलिसात गुन्हा दाखल करण्यात आला आहे. ते सांगवी पोलीस ठाण्याच्या हद्दीत राहतात. १९८६ ते २१ डिसेंबर २०२१ दरम्यान त्यांनी एकूण ३ कोटी ५९ लाख ९९ हजारांची माया भ्रष्टाचारातून कामावल्याचं तक्रारीत म्हटलं आहे. त्यांच्या घरातून दोन कोटी ८७ लाख ९९ हजार रोख रक्कम, १४५ तोळे सोन्याचे दागिने ज्याची किंमत ही ७२ लाख आहे. असे एकूण ३ कोटी ५९ लाख ९९ हजारांचा मुद्देमाल जप्त करण्यात आला आहे. त्यांच्या लोकसेवक सेवेच्या कालावधीतील वैध उत्पन्नापेक्षा अधिक असल्याचं निष्पन्न झाले आहे. म्हणून याप्रकरणी त्यांच्या विरुद्ध भ्रष्टाचार प्रतिबंधक कायद्यानुसार गुन्हा दाखल करण्यात आला आहे. घटनेचा अधिक तपास लाचलुचपतच्या पोलीस अधीक्षक माधुरी भोसले या करत आहेत.
पुणे लाचलुचपत प्रतिबंधक विभागाचा ट्रिपल धमाका. तीन शिक्षणाधिकाऱ्यांविरोधात असंपदा जमविल्याप्रकरणी गुन्हा दाखल. त्यापैकी एक आहेत, मुख्य आरोपी तुकाराम नामदेव सुपे, तत्कालीन शिक्षणाधिकारी माध्यमिक जि प पुणे. (सध्या सेवा निवृत्त) रा.कल्पतरू, गांगर्डेर नगर,सुदर्शन हॉस्पिटल समोर, पिंपळे गुरव, पुणे. दुसरे आहेतरप विष्णू मारुतीराव कांबळे वय 59 वर्ष, सेवानिवृत्त शिक्षणाधिकारी, माध्यमिक शिक्षण विभाग, जिल्हा परिषद सांगली, आणि त्यांची पत्नी जयश्री विष्णू कांबळे सर्व राहणार शिवशक्ती मैदानाचे पाठीमागे बारबोले प्लॉट शिवाजीनगर बार्शी जिल्हा सोलापूर. तिसरे आरोपी आहेत किरण आनंद लोहार, वय 50 वर्ष, शिक्षणाधिकारी, प्राथमिक शिक्षण विभाग, जिल्हा परिषद सोलापूर आणि त्यांची पत्नी पत्नी सौ. सुजाता किरण लोहार, वय 44 वर्ष, 3. मुलगा श्री. निखिल किरण लोहार, वय 25 वर्ष सर्व राहणार प्लॉट नं. सी. 2, आकांक्षा शिक्षक कॉलनी, पाचगाव, ता. करवीर, जि. कोल्हापूर.
