पुण्यातून मुरली मोहळ, भाजपचा १२ खासदारांना दणका, ३ नव्या नावांसह ८ जणांची यादी तयार

0
705

मुंबई, दि. १३ (पीसीबी) – लोकसभा निवडणूक तोंडावर असताना महायुती आणि महाविकास आघाडी यांच्या जागावाटपाच्या बैठका सुरु आहेत. महायुतीतील जागावाटपाचा तिढा अजून सुटला नसला तरी भाजपच्या केंद्रीय निवडणूक बोर्डाची दिल्लीत बैठक पार पडली. या बैठकीत महाराष्ट्रातील जागांसंदर्भात चर्चा झाल्याची माहिती समोर आली आहे.

महायुतीतील जागा वाटपाचा तिढा सुटला नसताना देवेंद्र फडणवीस आणि चंद्रशेखर बावनकुळे यांच्या उपस्थितीत भाजपच्या केंद्रीय निवडणूक बोर्डाची दिल्लीत बैठक सुरू आहे. या बैठकीत २०१९ मध्ये भाजपने जिंकलेल्या २३ आणि हरलेल्या २ जागांची चर्चा करण्यात आली. यामध्ये काही जागांवर उमेदवारांची नावं शॉर्टलिस्ट करण्यात आले आहेत. त्यानुसार भाजप उमेदवारांची नावं जाहीर करताना धक्कातंत्राचा वापर करणार असल्याची माहिती विश्वसनीय सूत्रांनी दिली आहे.

या नेत्यांच्या तिकिटावर टांगती तलवार?
भाजपने उमेदवारांची पहिली यादी जाहीर केली. मात्र या यादीत महाराष्ट्रातील एकाही उमेदवाराचे नाव जाहीर करण्यात आले नव्हते. त्यामुळे महाराष्ट्रातील काही विद्यमान खासदारांची तिकिटं कापणार असल्याची चर्चा सुरू झाली.

त्यानुसार अहमदनगर दक्षिण मधून डॉ. सुजय विखे, रावेरमधून रक्षा खडसे, जळगावमधून उन्मेष पाटील, बीडमधून प्रीतम मुंडे, सोलापूरमधून जयसिद्धेश्वर शिवाचार्य स्वामी या भाजपच्या पाच, तर शिवसेनेकडून बुलढाणा येथून प्रतापराव जाधव, अशा महाराष्ट्रातील एकूण १२ विद्यमान खासदारांचे तिकीट कापले जाणार असल्याची माहिती विश्वसनीय सूत्रांनी दिली